जळगावातील नवीन बी.जे.मार्केटमध्ये आढळला एकाचा मृतदेह !

जळगाव (प्रतिनिधी) शहरातील नवीन बी.जे.मार्केट परिसरातील तळमजल्यावर एका बांधकाम कामगाराचा मृतदेह आढळून आल्याने जळगावात एकच खळबळ उडाली आहे. पुढील तपास जिल्हापेठ पोलीस करीत आहेत.
घटनास्थळाहून मिळालेल्या माहितीनुसार, आज दि २४ रोजीच्या सकाळी ८ ते ९ वाजेच्या सुमारास शहरातील दुचाकीचे रिपेअरींग्चे मार्केट म्हणून परिचित असलेल्या नवीन बि.जे.मार्केट परिसरातील तळमजल्यावर जिन्या जवळ एका बाधकाम कामगाराचा मृतदेह आढळून आल्याने परिसरात एकच खळबळ उडाली. या कामगाराला परिसरातील लोक ओळखत नाहीत. थोड्या वेळाने एकाने मृदेहाची ओळख पटविली. त्यानुसार तो कामगार अश्विनी नितीन मोरे उर्फ विठ्ठल कान्या असे असल्याचे सांगितले आहे. हा व्यक्ती या ठिकाणी दारू पिवून येवून पडला असल्याची दाट शक्यता वर्तविण्यात येत आहे. घटनास्थळी जिल्हापेठ पोलीस स्थानकाचे अधिकारी व कर्मचारी दाखल झाले होते. त्यांनी परिसरातील काही दुकानाची सीसीटीव्ही फुटेजचीही पाहणी केली. त्यानुसार पोलीस प्रशासन पुढील तपास करीत आहे. घटनास्थळाहून त्या व्यक्तीचा मृतदेह शासकीय वैद्यकीय महाविद्यालयात आणण्यात आला होता. दरम्यान, आज शहरातील आठवडे बाजार असल्याने सकाळपासूनच दुकानदार लवकर येवून दुकान उघडत होते. परंतु हा मृतदेह आढळून आल्याने परिसरात एकच खळबळ उडाली होती.