भुसावळ (प्रतिनिधी) अल्पवयीन मुलीशी लग्न करून तिला गर्भवती केल्याप्रकरणी ६० वर्षीय संशयित आरोपीविरुद्ध बाजारपेठ पोलिसात गुन्हा दाखल करण्यात आलेला आहे. अमजद इब्राहिम कुरेशी (६०, रा. आगाखान वाडा) असे संशयित आरोपीचे नाव आहे.
या संदर्भात अधिक असे की, अमजद कुरेशी याने फेब्रुवारी २०१२ रोजी १७ वर्षीय पिडीत अल्पवयीन मुलीशी लग्न केले होते. यानंतर ती सहा महिन्यांची गर्भवती राहिली होती. याबाबत जळगावच्या बालकल्याण समितीकडे तक्रार करण्यात आली होती. या मुलीस बालकल्याण समितीने ताब्यात घेऊन जबाब घेतला. त्यानुसार बाजारपेठ पोलिसांकडे गुन्हा दाखल करण्यासाठी करण्यासाठी कागदपत्र वर्ग करण्यात आली होती. याप्रकरणी आरोपीविरुद्ध बाजारपेठ पोलिसात बलात्कार, पोस्कोसह विविध कलमान्वये गुन्हा दाखल करण्यात आला आहे. पुढील तपास एपीआय हरीश भोये, योगेश महाजन हे करीत आहेत. दरम्यान, पिडीतेला सासरच्या लोकांनी शारीरिक तसेच मानसिक छळ केल्याचेही तक्रारीत म्हटले आहे.
