मुंबई (वृत्तसंस्था) वसई परिसरात राहणाऱ्या ८० वर्षांच्या आजोबांना वीज कंपनीने ८० कोटी रुपयांचे बिल पाठवले. विशेष म्हणजे हे बिल केवळ २ महिन्यांचे आहे. हा आकडा पाहताच आजोबांचे डोळेच पांढरे झाले. उच्च रक्तदाब असल्याने त्यांना थरमरी भरली. यामुळे त्यांना हॉस्पिटलाईज करावे लागल्याचा धक्कादायक प्रकार घडला आहे.
वसईतील रहिवासी गणपत नाईक यांची प्रकृती बिघडल्यानंतर आता त्यांचे कुटुंब धक्क्यात आहे. मुंबईतील वीजपुरवठा कंपनी महावितरण कडून ८० कोटी १३ लाख ८९ हजार ६ रुपयांचे बिल पाठवण्यात आले आहे. नाईक कुटुंब वसईत २० वर्षांपासून गिरणी चालवत आहे. लॉकडाऊनमुळे, त्याचा व्यवसाय असाही ठप्प झाला आहे. आता एवढ्या मोठ्या बिलानंतर कुटुंबांने पुढे काय करावे असा प्रश्न त्यांना पडला आहे. तरीदेखील त्यांना ८० कोटींचे बिल महावितरणने पाठविल्याने धक्का बसला आहे.
गणपत नाईक म्हणतात की विद्युत विभाग हे कसे करू शकते. बिल पाठवण्यापूर्वी ते कोणत्या मीटरची तपासणी करत नाहीत? असे कसे एखाद्याला चुकीचे बिल पाठवू शकतात? आतापर्यंत दरमहा जास्तीत जास्त वीज बिल ५४ हजारांवर आले आहे. लॉकडाउन दरम्यान गिरणी कित्येक महिन्यांपासून बंद होती, असे असुनही दोन महिन्याचे (डिसेंबर आणि जानेवारी) एवढे बिल कसे येऊ शकते.
विद्युत विभागाचे स्पष्टीकरण
दुसरीकडे, महाराष्ट्र राज्य विद्युत वितरण कंपनी लिमिटेडने (MSEDCL) बुधवारी म्हटले की ही एक अज्ञात चूक होती आणि लवकरच हे बिल दुरुस्त केले जाईल. महावितरणचे अतिरिक्त कार्यकारी अभियंता सुरेंद्र मुनगारे म्हणाले की, विद्युत मीटर रीडिंग एजन्सीकडून ही चूक झाली. याची पडताळणी केली जात आहे. एजन्सीने ६ ऐवजी ९-अंकी बिल तयार केले होते.
महावितरण कंपनीकडून लॉकडाऊनकाळात अवाढव्य वीज बिले देण्यात आली असून या बिलांची सक्तीने वसुली सुरू आहे. बिल अदा न करणाऱ्या नागरिकांचा वीजपुरवठा खंडित केला जात आहे. हा प्रकार संतापजनक असून सरकारने तो तातडीने थांबवावा, अन्यथा जनतेतून उद्रेक होईल, असा इशारा भाजपाने दिला आहे.
