जळगाव (प्रतिनिधी) जळगाव जिल्ह्यात सोमवारी खासदार शरद पवार यांच्या चार तर उद्धव ठाकरेंच्या दोन सभा होणार आहेत. खासदार संजय राऊत हे दोन दिवस मुक्कामी यांबणार आहेत, सोमवारी उद्धव बाळासाहेब ठाकरे शिवसेना पक्षाचे प्रमुख उद्धव ठाकरे यांची चाळीसगाव येथे दुपारी १२ वाजता तर चोपडा येथे सायंकाळी ७ वाजता सभा होणार आहे. त्यासाठी ठाकरे विमानाने जळगावला येतील आणि तेथून हेलिकॉप्टरने चाळीसगावला जातील.
खासदार शरद पवार हे सोमवारी सकाळी जालना येथून पारोळा येथे सकाळी ११ वाजता जाहीर सभेला हजेरी लावतील. त्यानंतर दुपारी २ वाजता शिंदखेडा येथून निघुन जामनेरला चार वाजता सभा घेतील ५ ते ६.३० वाजेदरम्यान मुक्ताईनगरला व त्यानंतर धरणगाव येथे ७.३० ते ९ वाजेदरम्यान जाहीर सभा होणार आहे. शरद पवार हे सोमवारी जळगावात मुक्कामी थांबणार आहेत, खासदार संजय राऊत हे देखील १३ व १४ नोव्हेंबर असे दोन दिवस जिल्हा दौ-यावर येत आहेत. यात ठाकरे गटाच्या उमेदवारांच्या प्रचारासाठी त्यांचे प्रत्येक मतदारसंघात सभांचे नियोजन सुरू झाले आहे.
