मुंबई (वृत्तसंस्था) मुंबईतील अंधेरी पूर्वचे शिवसेनेचे आमदार (Shiv sena MLA) रमेश लटके (Ramesh Latke) यांचं ह्रदयविकाराच्या धक्क्याने निधन झालं. मिळालेल्या माहितीनुसार रमेश लटके कुटुंबियांसोबत दुबईला (dubai) फिरण्यासाठी गेले होते.
मुंबईतील अंधेरी पूर्व विधानसभा मतदार संघातील विद्यमान शिवसेना आमदार रमेश लटके यांचं हृदयविकाराच्या झटक्याने निधन झालंय. आमदार रमेश लटके कुटुंबीयांसह दुबईला गेले होते. तिथेच त्यांना हृदयविकाराचा तीव्र झटका आला आणि त्यांचे निधन झालंय. आमदार रमेश लटके यांच्या निधनाची माहिती मिळताच शिवसेना सचिव मिलिंद नार्वेकर यांनी तात्काळ शिवसेना पक्ष प्रमुख आणि मुख्यमंत्री उद्धव ठाकरे (cm uddhav thackery) यांना कळवली आहे.
आमदार रमेश लटके यांच्या निधनामुळे शिवसेनेला मोठा धक्का बसला आहे. रमेश लटके यांचे पार्थिव मुंबईत आणण्याची तयारी सुरू असून लवकरच त्यांचे पार्थिव मुंबईत आणलं जाईल.
