मुंबई (वृत्तसंस्था) कुर्ला विधानसभेचे शिवसेना आमदार मंगेश कुडाळकर यांच्या पत्नीने गळफास घेऊन आत्महत्या केली आहे. रजनी कुडाळकर असं त्यांचं नाव आहे. त्यांनी राहत्या घरात बेडरुमधील छताच्या पंख्याला गळफास घेतल्याचे आढळले.
शिवसेनेचे कुर्ला विधानसभा मतदार संघाचे आमदार मंगेश कुडाळकर यांच्या पत्नी रजनी कुडाळकर यांनी त्यांच्या राहत्या घरी गळफास घेऊन आत्महत्या केली आहे. त्यामुळे परिसरात एकच खळबळ उडाली आहे. तर घटनेची माहिती मिळताच पोलिस घटनास्थळी दाखल झाले आहेत. त्याबरोबरच पोलिसांनी शव ताब्यात घेतले असून आत्महत्येचा तपास सुरू आहे. रजनी कुडाळकर यांनी गळफास घेऊन आत्महत्या का केली? याचे कारण स्पष्ट झाले नाही. तर पोलिस आत्महत्येच्या कारणाचा तपास करत आहेत.
पोलिसांनी दिलेल्या माहितीनुसार त्यांना फोनवर गळफास घेतल्याची माहिती मिळाली. त्यानंतर पोलिस घटनास्थळी दाखल झाले. त्याबरोबरच त्यांनी पुढील तपासाला सुरूवात केली. कुर्ला नेहरू नगर पोलिस स्टेशनच्या भागात आमदार मंगेश कुडाळकर यांचे घर आहे. तर सध्या त्यांच्या घरी मुंबई पोलिसांचे वरिष्ठ अधिकारी उपस्थित राहुन तपास करत आहेत. मात्र शिवसेना आमदाराच्या पत्नीने गळफास घेऊन आत्महत्या केल्याने परिसरात मोठी खळबळ उडाली आहे.
