पुणे (वृत्तसंस्था) मेसेंजर अॅपच्या माध्यमातून झालेल्या ओळखीतून एका अनोळखी व्यक्तीने १२ वर्षीय मुलावर लैंगिक अत्याचार केल्याची धक्कादायक घटना नुकतीच पुणे जिल्ह्यात घडलीय. याप्रकरणी पीडित मुलाच्या आईने भोसरी एमआयडीसी पोलिसांत दिली. पोलिसांनी तात्काळ ऑनलाईन चॅटिंग करणाऱ्या संशयित आरोपीचा शोध सुरु केला आहे.
८ मार्च रोजी मेसेंजर या मोबाईल अॅपद्वारे ‘काका’ अशी फेक ओळख सांगत संशयित आरोपीनं पिडीत मुलाशी संपर्क केला होता. मुलाचे आई-वडिल घरी नसल्यानं ९ मार्चला आरोपी त्या अल्पवयीन मुलाला भेटण्यासाठी त्याच्या घरी पोहचला. त्यानंतर आरोपीने या मुलावर लैंगिक अत्याचार केले. या घटनेची मिळाल्यानंतर पीडित मुलाच्या पालकांनी पोलिसांमध्ये तक्रार केली. याप्रकरणी पॉक्सो अॅक्ट अंतर्गत ‘काका’ नाव असलेल्या आरोपीच्या विरोधात सोमवारी रात्री उशीरा गुन्हा दाखल करण्यात आला आहे.
