यावल (प्रतिनिधी) तालुक्यातील एका गावाच्या शिवारातील शेतात धमकी देत १६ वर्षीय मुलाकडून वारंवार एका तरुणीवर अत्याचार करण्यात आला. यातून पिडीत गर्भवती राहिली असून याप्रकरणी अल्पवयीन मुलाविरुद्ध गुन्हा दाखल करण्यात आला आहे.
या संदर्भात पिडीत १९ वर्षीय तरुणीने दिलेल्या फिर्यादीत म्हटले आहे की, दि.सन २०२१ पासून वेळोवेळी पिडीता इतर महिलांसोबत शेत मजुरीसाठी कामासाठी शेतात जात होती. तेव्हा तिची ओळख १६ तरूणासोबत झाली. या संशयित आरोपी सोबत पिडीतेची ओळख झाली. ते एकमेकांशी बोलु लागले. त्यानंतर संशयित आरोपी याने पिडीतेशी ओळख वाढवून प्रेमसंबंध निर्माण केले. तसेच पिडीतेस धमकी देवून तिच्यावर जबरदस्ती केळीच्या शेतात वारंवार अत्याचार केला. यातून पिडीता गरोदर झाली. अखेर १ ऑक्टोंबर रोजी पिडीतेने पोलिसात फिर्याद दिली. पुढील तपास पो. उप निरीक्षक सुदाम काकडे हे करीत आहेत. दरम्यान, संशयित आरोपीला पोलिसांनी ताब्यात घेतले असून त्याला आज बालन्यायालयात हजर करण्यात येणार आहे.
