यावल (प्रतिनिधी) संगनमत करून ऑनलाईन गेम खेळताना (Online Game Fraud) तालुक्यातील एका तरुण व्यापाऱ्याची ३२ लाख ५० हजारात फसवणूक केल्याचा प्रकार उघडकीस आलाय. या प्रकरणी यावल पोलिसात फोन पे नंबर व अकाउंट नंबर धारकांविरुद्ध गुन्हा दाखल करण्यात आला आहे. (Jalgaon Crime News)
या संदर्भात अधिक असे की, तालुक्यातील किंनगाव येथे तरुण व्यापाऱ्याचे दुकान आहे. जुलै २०२२ ते आजपावतो वेळेवेळी १) फोन पे नंबर ८९०४९८६८७७ व ७७९५३२२२५१ धारक २) YES BANK या बँकेच्या GLOW ELECTRON ICS ०४७०६३४००००१९५३ IFSC CODE NO. YESB००००४७० धारक ३) YES BANK बँकेच्या RADIANCE SOLUTION ०१२७६३४०० ००१४४७ IFSC CODE NO. YESB००००१२७ धारक ४) YES BANK या बँकेच्या LAZER QUICK ००८४६३४००००१०७५ IFSC CODE NO. YESBooooo८४ धारक अशा यातील फोन पे नंबर धारक व अकाउंट नंबर धारक यांनी संगणमत करुन किनगावच्या व्यापाऱ्या सोबत तीन पत्ती (Teen Patti) व ड्रॅगन टायगर (Dragon Tiger Game) हे गेम खेळून व खेळवून संशयित आरोपी यांनी वेळोवेळी फसवणुक (Froud) केली आहे. या प्रकरणी फसवणुकीचा गुन्हा दाखल करण्यात आला असून पुढील तपास पीएसआय प्रदीप बोरुडे हे करीत आहेत.
जळगावकर सावधान…अशी होऊ शकते फसवणूक
पबजी, ड्रॅगन टायगर, तीन पत्ती यांसारख्या आॅनलाईन गेमची सध्या सगळीकडे क्रेझ पहावयास मिळते आहे. मात्र अशा गेमच्या नादात पॉर्इंट कमविण्यासाठी तुम्ही तुमची माहिती शेअर करत असाल, तर जरा जपून. कारण अशा गेमवेड्यांकडून गुगल-फेसबुकच्या माध्यमातून डेबीट/क्रेडीट कार्डची माहिती घेत काही जण फसवणूक करत असतात.
