धुळे (प्रतिनिधी) शहरातील एका अल्पवयीन मुलीला फूस लावून पळवून नेत अत्याचार करण्यात आला. तिचे अश्लील व्हिडीओ बनवून ठार मारण्याची धमकी देण्यात आली. ही घटना ११ जुलै २०२२ ते सप्टेंबर २०२३ या दरम्यान घडली. याप्रकरणी पीडित मुलीच्या फिर्यादीवरून शनिवारी चाळीसगाव रोड पोलिस ठाण्यात ११ जणांविरोधात गुन्हा दाखल करण्यात आला.
धुळे शहरातील एका भागातील अल्पवयीन मुलीला लग्नाचे आमिष दाखवून पळवून नेण्यात आले होते. तिच्यावर अत्याचार करत घरात डांबून ठेवण्यात आले होते तसेच अश्लील व्हिडीओ बनवून शिवीगाळ करुन तिला जिवेठार मारण्याची धमकी दिली. हा प्रकार धुळ्यासह सुरत येथे घडला. आपली फसवणूक झाल्याचे लक्षात येताच मुलगी धुळ्यातील आपल्या घरी निघून आली. तिने चाळीसगाव रोड पोलिस ठाण्यात शनिवारी फिर्याद दिल्यानंतर ११ जणांविरोधात जणांविरुध्द भादंवी कलम ३६३, ३६६, ३७६ (२) (एन) (एच), ५०४, ५०६, ३४ सह बाल लैंगिक अत्याचार प्रतिबंध कायदा कलम ३, ४, ५ (जे) (२) (एल) सह बाल विवाह निषेध कायदा कलम ९, १०, ११, १७ अन्वये गुन्हा दाखल करण्यात आला आहे.तपास पोलिस उपनिरीक्षक व्ही. पी. पवार करीत आहेत.
