जळगाव (प्रतिनिधी) कामावरून काढण्याची धमकी देत तरुणीकडे एकाने शरीरसुखाची तर दुसऱ्याने चुंबनाची मागणी केल्याचा संतापजनक प्रकार उघडकीस आला आहे. या प्रकरणी दोघांविरुद्ध गुन्हा दाखल करण्यात आला आहे.
या संदर्भात पिडीत तरुणीने दिलेल्या फिर्यादीत म्हटले आहे की, पीडिता एका खाजगी ठिकाणी नौकरीला आहे. १ जून रोजी सायंकाळी ७ ते ७:३० वाजेच्या दरम्यान सोबत काम करणारे उद्धव कडवे यांनी पिडीत तरुणीकडे शरीरसुखाची मागणी केली. तसेच मागणी पूर्ण न केल्यास कामावरुन काढून टाकण्याची धमकी दिली. तर राजेंद्र अमोद्कर याने पिडीतेला मी तुला घरी सोडतो, असे सांगून गळयात हात टाकून चुंबनाची मागणी केली. याप्रकरणी पिडीत तरुणीच्या फिर्यादीवरून दोघांविरुद्ध विनयभंगाचा गुन्हा दाखल करण्यात आला असून पुढील तपास पो. उप निरीक्षक निलेश गोसावी हे करीत आहेत.
