चाळीसगाव (प्रतिनिधी) शहरात एका ठिकाणी राहणाऱ्या ६ वर्षीय मुलीसोबत अश्लील चाळे करणाऱ्या एकाविरुद्ध चाळीसगाव शहर पोलीस स्थानकात काल्या उर्फ फारुक शेख फकीरा शेख याच्याविरुद्ध गुन्हा दाखल करण्यात आला आहे.
यासंदर्भात सहा वर्षीय पीडित मुलीची आजीने दिलेल्या फिर्यादीनुसार, दि. ३० मे २०२२ रोजी सहा वर्षीय मुलगी राहते घराबाहेर खेळण्यासाठी गेली असताना संध्याकाळी साडेपाच वाजेच्या सुमारास ताराबाई अहिरे यांच्या घरा शेजारी राहणारा काल्या उर्फ फारुक शेख फकीरा शेख याने त्याच्या घराबाहेर असलेल्या बाथरूममध्ये मुलीला नेले. तिथं त्याने चिमुकलीसोबत अश्लील चाळे करण्याचा प्रयत्न केला. याप्रकरणी चाळीसगाव शहर पोलीस स्थानकात काल्या उर्फ फारुक शेख याच्याविरुद्ध पोस्कोसह विविध कलमान्वये गुन्हा दाखल करण्यात आला असून पुढील तपास सपोनि दीपक बिरारी हे करीत आहेत.
