नवी दिल्ली (वृत्तसंस्था) महिलेचा पती रात्रीचं जेवण बनवणार होता, मात्र नंतर त्याने आपल्या मित्रांसोबत दारू पिण्याचा प्लॅन केला. यामुळे पत्नी इतकी भडकली की तिने आपल्या पतीचा प्रायव्हेट पार्ट मासे पकडण्याच्या काट्यामध्येच अडकवला आणि यानंतर पतीला ओढत घरी घेऊन आली. संपूर्ण रस्त्यात तिचा पती वेदनेनं ओऱडत होता. ही धक्कादायक घटना थायलंडमध्ये एका घडलीय.
थायलंडमध्ये राहणारी 43 वर्षीय चनीटा कुएडरूम ही महिला ३ मार्च रोजी शेतात काम करण्यासाठी गेली होती आणि तिला असं वाटलं होतं की पतीने घरी आपल्यासाठी जेवण बनवून ठेवलं असेल. तो आपली वाट बघत असेल. मात्र असं काहीच न झाल्यानं ती प्रचंड भडकली. आपला पती 45 वर्षीय बुनछुए मूसीटोची रात्री वाट बघत होती. तिचा पती रात्रीचं जेवण बनवणार होता. बराच उशीर होऊनही पती घरी न आल्याने तिने पतीला शोधायला निघाली. यावेळी तिला दिसलं की तिचा पती आपल्या मित्रांसोबत दारू पित होता. हे पाहून तिला राग आला. तिने तिथेच असलेल्या मासे पकडण्याच्या काट्यात आपल्या पतीचा प्रायव्हेट पार्ट अडकवला. यानंतर त्याला ओढत घरी नेलं. ही घटना घडली तेव्हा व्यक्ती इतका नशेत होता की घरी जाऊन तो थेट झोपला. दुसऱ्या दिवशी नशा उतरताच त्याला प्रचंड वेदना होऊ लागल्या. यानंतर लगेचच त्याला रुग्णालयात नेण्यात आलं. आता या व्यक्तीचं असं म्हणणं आहे की तो तोपर्यंत घरी जाणार नाही, जोपर्यंत त्याच्या पत्नीचा राग शांत होणार नाही.
