पुणे (वृत्तसंस्था) वडगाव परिसरालगत असलेल्या जंगलात एका १३ दिवसांच्या अर्भकाला आई-वडिलांनी खड्डा खोदून पुरल्याचा धक्कादायक प्रकार उघडकीस आला आहे. या प्रकाराची माहिती मिळताच पोलीसांनी घटनास्थळी धाव घेतली असून या प्रकरणी सिंहगड रोड पोलीस ठाण्यात गुन्हा दाखल करण्याचे काम सुरू आहे. या धक्कादायक घटनेमुळे परिसरात एकच खळबळ उडाली आहे.
पोलिसांनी दिलेल्या माहितीनुसार, परिसरातील नागरिकांना त्यांना झालेले मुल गायब असल्याचे समजल्याने त्यांनी याबाबत पोलिसांना माहिती कळविल्याने सदर प्रकार समोर आला. या प्रकार वडगाव येथील सिंहगड कॉलेजच्या पाठिमागे गोदावरी हॉस्टेल आहे. या परिसरात जंगल आहे. तेथे खड्डा खोदून त्या बाळाला आई-वडिलांनी पुरले. या घटनेची माहिती पोलिसांना मिळाली. त्यानंतर वडगाव चौकी व सिंहगड रोड पोलिसांनी घटनास्थळी धाव घेतली. हा खड्डा खोदण्यासाठी तहसीलदारांची परवानगी लागते. यामुळे पोलीस आता तहसीलदारांकडे गेले आहेत. तहसील कार्यालयातील अधिकारी आल्यानंतर खोदकाम सुरू करण्यात येणार आहे. हे बाळ अपंग असल्यामुळे त्याला पुरल्याची शक्यता असून, आई-वडिलांचा शोध घेण्यात येत आहे.
