जळगाव (प्रतिनिधी) पतीला घटस्फोट द्यायला लावून ३२ वर्षीय विवाहितेवर जळगाव, खिर्डी, शेगाव, सावदा येथे शारीरिक संबंध प्रस्थापित केले व या विवाहितेला अंधारात ठेवून परस्पर लग्न करुन घेतल्याचा प्रकार उघडकीस आला आहे. या प्रकरणी बुधवारी शहर पोलीस ठाण्यात चंदन मोतीराम चौधरी (रा. खिर्डी, ता. रावेर) याच्या विरुद्ध गुन्हा दाखल झाला आहे.
पोलिसात दिलेल्या फिर्यादीनुसार, पीडितेचे लग्न झालेले असून तिला १० वर्षाचा मुलगा आहे. पतीची प्रकृती बरी नसल्याने शहरातील एका रुग्णालयात दाखल करण्यात आले होते. तेथे या विवाहितेची काम करणाऱ्या चंदन चौधरीशी ओळख झाली होती. दवाखान्यातून सुटी झाल्यावर पीडिता व पती सासरी गेले. तेथे असताना पीडितेचा पती कुठे तरी निघून गेला. त्यामुळे ती जळगावात माहेरी आली. या दरम्यान चंदनशी ओळख वाढू लागली. त्यातून त्याने मला नोकरी लागली की, मी तुझ्याशी लग्न करेल असे सांगून दवाखान्यात, पांडे चौकातील व्यसनमुक्ती केंद्र, खिर्डी व शेगाव येथे २०१४ ते २०१६ या काळात वेळोवेळी शारीरीक संबंध ठेवले. २०१८ मध्ये चंदन याला मुंबईत बँकेत नोकरी लागली. यानंतर २०१८ मध्ये पती परत आल्यानंतर चंदनने पिडीतेला पतीशी घटस्फोट घ्यायला लावला. परंतू चंदनने परस्पर लग्न करुन घेतले. या प्रकरणी बुधवारी शहर पोलीस ठाण्यात गुन्हा दाखल करण्यात आला आहे.
