सोलापूर (वृत्तसंस्था) सोलापुरातील लष्कर भागातील सामाजिक कार्यकर्ते करण म्हेत्रे यांच्या अंत्ययात्रेसाठी हजारोंच्या संख्यने लोकांनी तुफान गर्दी केल्याचा प्रकार घडला आहे. विशेष म्हणजे लोकांच्या गर्दीसमोर पोलीसही हतबल झाले होते.
सोलापूर जिल्ह्यात कोरोनाच्या पार्श्वभूमीवर १४४ कलम लागू करण्यात आलं आहे. मात्र असं असतानाही करण म्हेत्रे यांचं पार्थिव स्मशानभूमीच्या दिशेने नेलं जात असताना मोठ्या प्रमाणात लोकांनी गर्दी केल्याचे चित्र होते. सोलापूरमधील सदर बाजार पोलिसांच्या हद्दीत हा परिसर येतो. पण गर्दीवर नियंत्रण मिळवण्यात पोलीस कमी पडल्याचं दिसत होतं. हजारोंच्या संख्येने जमलेल्या जमावाने करोनाचे सर्व नियम पायदळी तुडवले होते. दरम्यान, सामाजिक कार्यकर्ते करण म्हेत्रे यांची सुशील कुमार शिंदे यांचे समर्थक म्हणून ओळख होती.
