पहूर ता. जामनेर (प्रतिनिधी) वारंवार होणा-या शारिरीक व मानसिक त्रासाला कंटाळून विजेचा शॉक घेऊन विवाहितेस आत्महत्या करण्यास प्रवृत्त केल्याप्रकरणी पतीसह सासू-सासऱ्याविरुद्ध गुन्हा दाखल करण्यात आला आहे.
या संदर्भात अधिक असे की, सपना शाम एखरनार (जोशी), (वय २७ रा. शेंगोळा ता. जामनेर) हिला सासरची मंडळी शारिरीक व मानसिक त्रास देत गांजपाट करत होते. पती शाम रामदास एखनार हा दारुच्या नशेत मारहाण करायचा. तर सासरे रामदास चिंतामण एखनार आणि सासू गीताबाई रामदास एखनार यांच्या नेहमीच्या त्रासाला कंटाळून सपनाने ६ जुलै २०२२ रोजी सकाळी ५ वाजेपुर्वी (वेळ निश्चित नाही) स्वत: इलेक्ट्रीक शॉक लावून आत्महत्या केली. याप्रकरणी अतुल बाजीराव भिसे (जोशी) (वय २५,रा. खंडवा,ता. मोताळा) यांनी शाम रामदास एखनार,रामदास चिंतामण एखनार आणि गीताबाई रामदास एखनार यांच्याविरुद्ध सपना हिला आत्महत्येस प्रवृत्त केल्याप्रकरणी गुन्हा दाखल केला आहे. पुढील तपास पोउपनि अमोल गर्जे हे करीत असून दोन संशयित आरोपींना अटक करण्यात आलीय.
