मुंबई (वृत्तसंस्था) गेल्या काही दिवसांपासून लहान बालकांवर अत्याचार होत असल्याच्या घटना वाढत असल्याचं दिसून येत आहे. एका चौदा वर्षाच्या मुलाला एका तृतीयपंथीयाने गुप्तांग कापत जीवे मारण्याची धमकी देत त्यांच्यासोबत अनैसर्गिक संबंध प्रस्थापित करण्याचा प्रकार चारकोप परिसरात उघड झाला आहे. याप्रकरणी त्याच्यावर गुन्हा दाखल करत त्याला अटक केली आहे.
यासंदर्भात अधिक असे की, पीडित मुलगा हा चारकोप गावचा राहणारा आहे. त्याचे पालक कामावर निघून गेल्यानंतर तो घरी एकटाच असायचा. त्याचा फायदा घेत शेजारी राहणारा किन्नर त्याच्या घरी येऊन त्याच्यासोबत अत्याचार करायचा. सूत्रांच्या म्हणण्यानुसार पीडिताने त्याला जेव्हा विरोध केला तेव्हा त्याचे गुप्तांग कापत त्याला ठार मारण्याची धमकी देण्यात आली होती. या सगळ्याला अखेर घाबरलेल्या पीडिताने पालकांना घडला प्रकार सांगितला आणि त्यांनी चारकोप पोलीस ठाण्यात धाव घेतली. पोलिसानी याप्रकरणी पोक्सोअंतर्गत गुन्हा दाखल केला असुन पुढील तपास सुरू आहे अशी माहिती चारकोप पोलीस ठाण्याचे वरिष्ठ पोलीस निरीक्षक मनोहर शिंदे यांनी दिला.
