पहूर ता. जामनेर (प्रतिनिधी) परिसरातील एका गावात राहणाऱ्या १९ वर्षीय तरुणीकडून ‘लिव्ह अँण्ड रिलेशनशिप’च्या नोटरीवर जबरदस्ती सही घेत तिच्यावर वेळोवेळी लैंगिक अत्याचार केल्याप्रकरणी एकाविरुद्ध गुन्हा दाखल करण्यात आला आहे.
पिडीत तरुणीने दिलेल्या फिर्यादीत म्हटले आहे की, मयूर देवेंद्र गोढरी याने दि.१ सप्टेंबर ते ३ सप्टेंबर तसेच दि. ६ सप्टेंबरपासून १५ दिवस वेळोवेळी जळगाव येथील वकिलाच्या घरी आणि गावातील त्याच्या घरी तू जर माझ्या सोबत पळून जावुन लग्न कर, तू जर आली नाही तर तुझ्या भावाला मारुन टाकेन, अशी धमकी दिली. तसेच पिडीत तरुणीकडून ‘लिव्ह अँण्ड रिलेशनशिप’चे नोटरीवर सही घेवून इच्छा नसतांना तिच्या सोबत वेळोवेळी बळजबरीने शारिरीक संबंध प्रस्थापित केले. याप्रकरणी भादवि कलम ३७६ (२) आणि ५०६ प्रमाणे गुन्हा दाखल करण्यात आला असून पुढील तपास पोलीस उपनिरीक्षक संजय बनसोड हे करीत आहेत.
