धरणगाव (प्रतिनिधी) खासदार उन्मेश पाटील हे उठसूट मंत्री गिरीशभाऊ महाजन व आमदार मंगेशदादा चव्हाण यांच्यावर वारंवार खालच्या पातळीवर जाऊन टीका करत आहे. परंतू टीका करण्याची नैतिकता तुमच्यात शिल्लक आहे का?, तसेच उन्मेष पाटील यांना आता त्यांच्यात भाषेत उत्तर दिले जाईल, असा इशारा भाजपा युवा मोर्चाचे जिल्हा उपाध्यक्ष चंदन पाटील यांनी दिला आहे.
चंदन पाटील यांनी म्हटले आहे की, उन्मेश पाटील हे मंगेशदादांमुळे आमदार झाले. गिरीशभाऊंमुळे खासदार झाले. त्या दहा वर्षाच्या कार्यकाळात त्यांना शेतकऱ्यांबद्दल कळवळा आला नाही आणि आज शेतकऱ्यांच्या भावनांशी ते खेळत आहेत. उन्मेष पाटील हे आज शेतकऱ्यांचे नेते बनू पाहत आहेत. परंतू उन्मेष पाटील यांना स्पर्धा करायची असेल तर आमदार मंगेशदादांच्या विकास कामांशी करावी. तुमच्या मनाला व मतदार संघाच्या नागरिकांना विचारा की, तुम्ही पाच वर्षात तुमच्या मतदारसंघात संपर्क तरी ठेवला होता का?. त्यामुळे यापुढे जर तुम्ही पातळी सोडली, तर तुम्हाला त्याच भाषेत उत्तर दिले जाईल, असा ईशारा भाजपा युवा मोर्चाचे जिल्हा उपाध्यक्ष चंदन पाटील यांनी दिला आहे.
