साकळी ता. यावल (प्रतिनिधी) साकळी ते पिळोदा रस्त्यावरील पिळोदा येथील शेतकऱ्याच्या शेतातून मोटार सायकलचे पुढील चाक चोरी झाल्याने शेतकऱ्यांमध्ये भीतीचे वातावरण निर्माण झाले आहे.
याबाबत सविस्तर असे की, हतनूर पाटचारीच्या पुढे श्रीराम मोतीराम पाटील यांच्या बांधावरून टीव्हीएस स्टार गाडीचे पुढील चाक चोरीला गेले आहे. याअगोदर दोन दिवसापूर्वी साकळी गावातील असेच एका शेतकऱ्याच्या गाडीचे चाक चोरीला गेले होते. आज पुन्हा साकळी ते पिळोदा रस्त्यावर दिनांक २९/०९/२०२० रोजी दुपारी तीन वाजेच्या दरम्यान चोरी झाल्याचे शेतकरी श्रीराम पाटील यांनी सांगितले. तसेच शेतकरी श्रीराम पाटील यांनी साकळी पोलीस चौकी येथील पोलिसांना कळविले असल्याचे ‘द क्लियर न्यूज’च्या प्रतिनिधीशी बोलताना सांगितले.
