जळगाव (प्रतिनिधी) ईडीतर्फे राष्ट्रवादी काँग्रेसचे नेते माजी मंत्री एकनाथराव खडसे यांच्यावरील चौकशीचा ससेमिरा लावण्यात आल असून तो त्वरित थांबविण्यात यावा, अशी मागणी राष्ट्रवादी काँग्रेस पार्टी सामाजिक न्याय विभागाचे जिल्हाध्यक्ष अरविंद मानकरी यांनी जिल्हाधिकाऱ्यांना दिलेल्या एका निवेदनाद्वारे केली आहे. अरविंद मानकरी यांच्या नेतृत्वात जिल्हाधिकारी अभिजित राऊत यांची भेट घेवून निवेदन देण्यात आले.
निवेदनात म्हटले आहे की, केंद्र शासन ईडीचा गैर वापर करत आहे. केंद्र सरकार ईडीचा दुरुपयोग करून खासकर प्रतिष्टीत नेत्यांवर विनाकारण त्रास देण्याचे कारस्थान करीत असून ते त्वरित थांबवावे. ईडीतर्फे एकनाथराव खडसे यांच्यावरील चौकशीचा ससेमिरा लावण्यात आल असून तो त्वरित थांबविण्यात यावा, असे यात म्हटले आहे.
निवेदन देतेवेळी राष्ट्रवादी काँग्रेस पार्टी सामाजिक न्याय विभागाचे जिल्हाध्यक्ष अरविंद मानकरी, प्रदेश सचिव प्रतिभा शिरसाठ, कल्पना अहिरे, अशोक सोनवणे, विनोद रनधे, विनोद सूर्यवंशी आदी उपस्थित होते.
