पहूर, ता. जामनेर (प्रतिनिधी) पहूरपासून ५-६ किलोमीटर अंतरावर असलेल्या पिंपळगाव गोलाईत, ता. जामनेर येथे तिहेरी वाहनांचा अपघात झाल्याची घटना गुरुवारी रात्री घडली. यात दोन जण ठार झाले तर दोन गंभीर जखमी झाल्याची माहिती समोर आली आहे. रात्री उशिरापर्यंत मयतांची नावे कळू शकली नव्हती.
पिंपळगाव गोलाईत येथे राष्ट्रीय महामार्ग असलेल्या जामनेर-पहूर रस्त्यावर तीन वाहनांचा विचित्र अपघात झाला. यामुळे रस्ता बंद झाल्याने दुतर्फा वाहतूक ठप्प झाली होती. त्यामुळे रात्री उशिरापर्यंत पोलिसांनी वाहतूक सुरळीत करत होते. या अपघातात दोनजण ठार झाल्याची प्राथमिक माहिती पोलिसांनी दिली असून दोन गंभीर जखमी झाले आहेत. जखमी व मयतांना पहूर पोलिसांनी जामनेर उपजिल्हा रुग्णालयात दाखल करण्यात आले आहे.
अपघाताची माहिती मिळताच घटनास्थळी पोलिस निरीक्षक सचिन सानप, पोलिस उपनिरीक्षक एस. पी. बनसोड, पोलिस उपनिरीक्षक अमोल गर्जे, पोलिस कर्मचारी ज्ञानेश्वर ढाकरे, विनोद पाटील यांनी धाव घेऊन गावकऱ्यांच्या मदतीने घटनास्थळी मदतकार्य केले.
