पिंपरी (वृत्तसंस्था) बीएमडब्ल्यू कारवर लघुशंका करताना हटकले म्हणून सुरक्षा रक्षकाला एका रिक्षा चालकाने पेट्रोल टाकून जिवंत पेटवून दिल्याची खळबळजनक घटना एमआयडीसी भोसरी भागात घडली आहे. शंकर भगवान वायफळकर (वय ४१) असं जखमी झालेल्या सुरक्षा रक्षकाचं नाव आहे. ते २० टक्के भाजला असून, त्याच्यावर खासगी हॉस्पिटलमध्ये उपचार सुरू आहेत.
शंकर भगवान वायफळे हे सुरक्षारक्षक आहेत. कंपनीच्या गेटवर ते ड्युटीवर होते. त्यावेळी आरोपी रिक्षाचालक महेंद्र बाळू कदम गेटजवळ कंपनीच्या मालकाच्या बीएमडब्ल्यू मोटारीवर लघुशंका करत होता. त्यावेळी शंकर यांनी हटकले. यानंतर त्यांच्यात किरकोळ वाद झाला. आरोपी कदम तिथून रिक्षा घेऊन निघून गेला. त्यानंतर तो साडे चार वाजण्याच्या सुमारास पुन्हा आला. त्याने येताना बाटलीतून आणलेलं पेट्रोल शंकर यांच्या अंगावर ओतून त्यांना जाळून जीवे ठार मारण्याचा प्रयत्न केला. शंकर गंभीर जखमी झाले असून खासगी हॉस्पिटल मध्ये उपचारासाठी दाखल करण्यात आले आहे. तर आरोपी महेंद्र बाळू कदम याला पोलिसांनी अटक केली आहे.
