जळगाव (प्रतिनिधी) तालुक्यात आव्हाणे येथील विवाहित शबनमबी इमाम पिंजारी (वय २५) राहत्या घरात आज सकाळी गळफास घेऊन आत्महत्या केल्याची घटना उघडकीला आली आहे. मृतदेहाचा पंचनामा करून जिल्हा शासकीय वैद्यकीय महाविद्यालयात शवविच्छेदनासाठी आणण्यात आला आहे. याप्रकरणी तालुका पोलिस ठाण्यात अकस्मात मृत्यूची नोंद करण्याचे काम सुरू आहे.
याबाबत वृत्त असे की, शबनमबी इमाम पिंजारी (वय २५) रा. आव्हाणे ता.जि. जळगाव या गृहिणी असून एकत्र कुटुंबात राहतात. पती इमाम युनुस पिंजारी हे हातमजुरीचे काम करून आपल्या कुटुंबाचा उदरनिर्वाह करतात. शबनमबी पिंजारी यांनी दुमजलीच्या वरच्या खोलीत जाऊन ओढणीने गळफास घेऊन आत्महत्या केल्याची घटना सकाळी ११ वाजेच्या सुमारास उघडकीला आले. आत्महत्या करण्याचे कारण अद्यापही स्पष्ट झालेले नाही. तातडीने मृतदेह खाली उतरून जिल्हा वैद्यकीय महाविद्यालयात दाखल केले असता वैद्यकीय अधिकारी यांनी मयत घोषित केले आहे. घटनेची माहिती मिळताच नशिराबाद येथील माहेरची मंडळी यांनी जिल्हा रुग्णालयात धाव घेतली असून प्रचंड आक्रोश केला होता. तसेच याप्रकरणी तालुका पोलिस ठाण्यात अकस्मात मृत्यूची नोंद करण्याचे काम सुरू आहे.
