मुंबई (वृत्तसंस्था) राष्ट्रवादीचे नेते आणि राज्याचे उपमुख्यमंत्री अजित पवार यांना कोरोनाची लक्षणे जाणवू लागल्यामुळे त्यांनी होम क्वारंटाइन होण्याचा निर्णय घेतला आहे.
राज्याचे उपमुख्यमंत्री आणि अर्थमंत्री अजित होम क्वॉरन्टाईन झाले आहेत. त्यांची कोरोना चाचणी मात्र निगेटिव्ह आली आहे. परंतु थकवा जाणवत असल्याने अजित पवार यांनी क्वॉरन्टाईन होण्याचा निर्णय घेतला. तसंच आजच्या नियोजित बैठकाही रद्द केल्या आहेत. कालही त्यांनी मंत्रालयातील सर्व बैठका रद्द केल्या होत्या. अजित पवारांना थोडा ताप असल्याने त्यांनी कोरोना चाचणी केली होती, ती निगेटिव्ह आली आहे. परंतु थकवा जाणवत असल्याने अजित पवार घरीच आराम करण्याचा निर्णय घेतला आहे. त्यामुळे अजित पवार यांना कोरोनाची लागण झाल्याच्या बातम्यांना पूर्णविराम मिळाला आहे. कोरोना सारखी काही लक्षणे आढळत असल्याने अजित पवार हे पुढील काही दिवस क्वारंटाइन राहणार आहे.
