नवी दिल्ली (वृत्तसंस्था) बिहारमध्ये महाआघाडीचं नेतृत्व करणाऱ्या तेजस्वी यांदव यांची भाजप नेत्या उमा भारती यांनी स्तृती केली आहे. तेजस्वी यादव एक चांगले व्यक्ती आहेत. तसंच ते बिहारला चालवू शकतात, असं उमा भारती यांनी म्हटलं आहे.
उमा भारती यांनी भोपाळमध्ये माध्यमांशी संवाद साधला. यावेळी उमा भारती यांनी बिहार विधानसभा निवडणुका आणि मध्यप्रदेशात पार पडलेल्या पोटनिवडणुकांवर भाष्य केलं.
तेजस्वी यादव हे एक चांगले व्यक्ती आहेत. परंतु सध्या ते राज्य चालवण्यास सक्षम नाहीत. राजदचे प्रमुख लालू प्रसाद यादव यांनी पुन्हा एकदा बिहारला जंगलराजमध्ये ढकललं असतं. तेजस्वी यादव हे नेतृत्व करू शकतात. पण थोडं मोठं झाल्यानंतर, असं उमा भारती यांनी म्हटलं आहे.
दरम्यान, उमा भारती यांनी कमलनाथ यांचंही कौतुक केलंय. कमलनाथ यांनी ही निवडणूक चांगल्याप्रकारे लढली. परंतु त्यांनी जर आपलं सरकार योग्यरितीनं चालवलं असतं तर आज या ठिकाणी इतक्या समस्या निर्माण झाल्या नसत्या. ते एक चांगले व्यक्ती आहेत आणि माझ्या मोठ्या भावाप्रमाणे आहेत, असं उमा भारती म्हणाल्या.
