चोपडा (प्रतिनिधी) तेलंगणाचे मुख्यमंत्री व भारत राष्ट्र समितीचे सर्वेसर्वा, राष्ट्रीय अध्यक्ष के.चंद्रशेखर राव साहेब यांच्या प्रेरणेने गोरगावलेचे माजी सरपंच, मार्केट कमेटीचे माजी संचालक व भारत राष्ट्र समिती (बीआरएस) चे सन्माननिय सदस्य जगन्नाथ टि.बाविस्कर यांच्या वाढदिवसानिमित्त आयोजित विविध कार्यक्रमांना तेलंगणाचे अन्नपुरवठा मंत्री ना.रविंदरसिंग यांची प्रमुख उपस्थिती लाभली. यावेळी त्यांचे शहरात जोरदार स्वागत करण्यात आले.
गुरूवार रोजी सकाळी 10 वाजता संपूर्ण मोफत नेत्रतपासणी व मोतीबिंदु शस्रक्रिया महाशिबिर तसेच दुपारी २ वाजता बीआरएसची सभासद नोंदणी, पक्षप्रवेशाचा महामेळावा नाट्यगृह चोपडा येथे आयोजित करण्यात आलेला होता. त्यानिमित्ताने तेलंगणाचे अन्नपुरवठा मंत्री मा.ना.रविंदरसिंगजी यांची प्रमुख उपस्थिती लाभली ..चोपड्यात प्रथमच तेलंगणाचे मंत्रीमहोदय येणार असल्याने बीआरएसच्या कार्यकर्त्यांमध्ये उत्साहाचे वातावरण निर्माण झाले होते. त्यांच्यासोबत बीआरएसचे वरिष्ठनेते माजी आमदार शंकरअण्णा धोंडगे पाटिल, प्रदेशाध्यक्ष माणिकराव कदमसाहेब, उत्तर महाराष्ट्राचे अध्यक्ष नानासाहेबजी बच्छाव, सहसमन्वयक संदिपजी खुटेपाटिल, धुळे नंदुरबार जिल्हा समन्वयक अॅड. अविनाश पाटिल, जळगाव समन्वयक, देवेंद्र वराडे व पदाधिकारी मंडळी उपस्थित होते.
महाराष्ट्रातील नांदेड, सोलापुर नंतर चोपड्यात प्रथमच तेलंगणाचे कॅबिनेट मंत्री मा.ना.रविंदरसिंगजी यांची दमदार एंट्रि झाली. या कार्यक्रमाची तालुकावासियांना उत्सुकता लागली होती. कारण आदिवासी कोळी समाजाचे नेते जगन्नाथ टि. बाविस्कर हे नुकतेच हैदराबाद येथे बीआरएस पक्षप्रवेशासाठी जाऊन आलेत. त्यावेळेस त्यांनी अर्थमंत्री हरिशराव यांचेशुभहस्ते पक्षप्रवेश केला होता. अन्नमंत्री यांची स्नेहभेट घेतली होती. तेव्हाच त्यांनी सांगीतले होते की, ‘मी चोपड्याला जरूर येणार’, यासाठी नानासाहेब बच्छाव यांनी विशेष प्रयत्न केलेत.
कार्यक्रम यशस्वीतेसाठी जिल्हा महिला समन्वयक कोमलताई पाटील व त्यांचे महिलामंडळ, चोपडा विधानसभा समन्वयक समाधान बाविस्कर, तालुका समन्वयक दिपक पाटिल व त्यांचे सहकारी विशेष परिश्रम घेतला. ना. रविंदरसिंगजी यांनी महाराष्ट्र सरकारवर जोरदार टीका देखील केली. सर्व शेतकऱ्यांना व जनतेला त्यांनी मोफत वीज पुरवण्याचे आवाहन देखील केले. मणिपूरच्या विषयावर देखील त्यांनी सरकारला खडेबोल सुनावले. चोपड्यात यापुढे आमदार बीआरएस पक्षाचाच होईल असे त्यांनी सांगितले. यामुळे बीआरएस कार्यकर्ते त्यांच्यामध्ये मोठा उत्साह दिसून आला. चोपडा पुण्यनगरीत आलेल्या अतिथींचे तालुकावासियांतर्फे जंगी स्वागत देखील करण्यात आले.
