धरणगाव (प्रतिनिधी) तालुक्यातील चांदणी कुन्हा गावाजनीक धावत्या कारचे अचानक टायर फुटल्याने कार रोडवरील भिंतीला आदळल्याने महिलेचा मृत्यू झाल्याची घटना आज सकाळी साडेअकरा वाजेच्या सुमारास घडली आहे. शरीफाबी शेख तय्यकब (वय ५६, रा. धरणगाव) असे मृत महिलेचे नाव आहे.
धरणगाव येथील शेख अफसर शेख तय्यकब हे आपल्या परिवारासोबत बुधवारी १९ जुलै रोजी सकाळी अकरा वाजेच्या सुमारास चारचाकीने धरणगावकडून अमळनेर येथे जाण्यासाठी निघाले होते. यावेळी कारमध्ये शरीफाबी शेख तय्यक (वय-५६) ह्या पुढे बसलेल्या होत्या. धरणगाव तालुक्यातील चांदणी कुऱ्हा गावानजीक भरधाव चारचाकीचे टायर अचानक मुख्य रस्त्यावर फुटले. त्यामुळे शेख अफसरचा चारचाकीचा ताबा सुटला आणि कार थेट रस्त्याच्या कडेला असलेल्या भिंतीवर आदळली. यात शरीफाबी या महिला गंभीर जखमी झाल्या.
दरम्यान, परिसरातील वाहनधारकांच्या मयतीने जखमी महिलेला बाहेर काढून तातडीने जळगाव येथील जिल्हा शासकीय वैद्यकीय महाविद्यालयात दाखल करण्यात आले. परंतू वैद्यकीय अधिकाऱ्यांनी तपासणी करून त्यांना मयत घोषीत केले. दुपारी अडीच वाजता शवविच्छेदन करून मृतदेह नातेवाईकांच्या ताब्यात देण्यात आला.
