लंडन (वृत्तसंस्था) इंग्लंडच्या गुप्तचर यंत्रणेने (Britain’s intelligence agency)एक धक्कादायक दावा केला आहे. या दाव्यानुसार व्लादिमीर पुतिन यांचा मृत्यू यापूर्वीच झालेला असल्याचा दावा करण्यात आला आहे. असे असले तरी त्यांच्यासारखाच दिसणारी व्यक्ती किंवा त्यांचा तोतया सार्वजनिक कार्यक्रमात त्यांच्याऐवजी वावरत आहे, असा दावाही या अहवालात करण्यात आला आहे.
पुतीन यांच्यासारखा तोतयाचा वापर करीत असल्याचा दावा
पुतीन यांच्या सहकाऱ्यांना त्यांच्या मृत्यूचे रहस्य काही आठवडे किंवा महिनाभर जगापासून लपवून ठेवावे लागणार आहे. पुतीन यांचे सार्वजनिक कार्यक्रम त्यांच्या मृत्यूपूर्वीच रेकॉर्ड करुन ठेवण्यात आले आहेत. आणि त्यांच्या अस्तित्वाचा पुरावा म्हणून जगासमोर ठेवण्यात येत आहे. त्यामुळं पुतीन यांच्यासारखा दिसणारा एक तोतया आता रशियाचा कारभार सांभाळत आहे, असा दावा करण्यात येत आहे. डेलीस्टार या वृत्तपत्राने सूत्रांच्या हवाल्याने हे वृत्त दिलं आहे. पुतीन यांची तब्येत खालावली आहे. अशा अवस्थेत जर त्यांचा मृत्यू झाला तर काही आठवडे किंवा काही महिने हे वृत्त गुप्त ठेवण्यात येणार आहे. तर, एकीकडे पुतीन यांचा खरंच मृत्यू झाला आहे का याचा शोध घेणे कठिण असल्याचंही सांगण्यात येत. पुतीन यांची तब्येत अस्थिर असतानाच ते त्यांच्यासारख्या दिसणाऱ्या व्यक्तीचा वापर करत आहेत, असा दावाही डेलीस्टारने केला आहे.
मृत्यूचं रहस्य कशासाठी, गुप्तचर यंत्रणांनी सांगितले
पुतिन यांच्या मृत्यूची बातमी बाहेर आली तर रशियात सत्तापालट होण्याची शक्यता आहे, आणि हीच भीती त्यांच्या नीकटवर्तीयांना वाटते आहे. असे झाल्यास रशियाचे जनरल युक्रेनमधून सैन्यमाघारीचा आदेश देतील. पुतीन यांच्या नीकवर्तीयांचे स्थानही यामुळे कोलमडणार आहे आणि त्यांना सत्तेतून बाहेर व्हावे लागेल. ही भीतीही त्यांच्या मनात आहे. जागतिक पातळीवरही युक्रेनमधून सैन्य माघारी झाल्यास रशियाची नाचक्कीच होणार आहे, अशी स्थितीत पुतिन जिवंत आहेत, हा भास निर्माण करणेच अधिक चांगले आहे. अशी माहिती गुप्तचर यंत्रणांच्या सूत्रांनी दिली आहे. दोन आठवड्यापूर्वी रशियातील एका अब्जावधी व्यापारी आणि क्रेमनिल यांच्या नीकटवर्तीयांनी हा दावा केला होता की पुतिन सध्या ब्लड कॅन्सरशी झुंज देत आहेत. युक्रेनरील हल्ल्यापूर्वी त्यांचे ऑपरेशन झाले असेही सांगण्यात आले होते.
पुतीन यांच्या तब्येतीच्या कारणामुळं त्यांची सत्तेवरील पकड कमी होत झाली आहे. त्यामुळं पुतीन क्रेमोलिनला अव्यवस्था आणि अराजकतेच्या खाईत ढकलत आहेत, असा दावा इग्लंडच्या माजी गुप्तहेर ख्रिस्टोफर स्टील यांनी केला आहे. पुतीन यांच्यावर सुरू असलेल्या उपचारांमुळं त्यांना सातत्याने कामातून वेळ काढावा लागत आहे. त्यामुळं मॉस्कॉत प्रभावी राजकीय नेतृत्व दिसून येत नाहीये, असंही एमआय६चे अधिकारी स्टील यांनी म्हटलं आहे.
