नवी दिल्ली (वृत्तसंस्था) दिल्लीतील मोहन गार्डन पोलिसांसमोर एका अजब तक्रार आली आहे. फेसबुकवर एक तरूण मित्राच्या प्रेमात इतका हरवला की, तो मुलगी बनला. यासाठी त्याने त्याचं ऑपरेशन करून घेतलं. धक्कादायक बाब म्हणजे तरूणाने ज्याच्यासाठी इतकं मोठं पाउल उचललं तो तिला दगा देऊन आणि तिची फसवणूक करून फरार झाला. पोलिसांनी आरोपी विरोधात एफआयआर दाखल केली आहे.
२४ वर्षीय पीडित तरूणी महाराष्ट्रातील आहे. ती तिच्या परिवारासोबत राहते. पीडितेने तिच्या तक्रारीत सांगितलं की, फेसबुकच्या माध्यमातून तिची ओळख दिल्लीतील एका तरुणासोबत मैत्री झाली होती. त्याने प्रेमाच्या शपथा घेतल्या आणि लग्न करणार असा विश्वासही दिला. यानंतर पीडित तरूणाने आपलं ऑपरेशन करत लिंग परिवर्तन केलं. मुलगी बनल्यावर पीडितेने परिवाराला सोडलं आणि प्रियकराच्या बोलवण्यावरून ती दिल्लीला गेली. दिल्ली ती त्या तरुणाला भेटली. तरूणाने तिला एका भाड्याने घेतलेल्या घरात ठेवलं. इथे दोघांमध्ये शारीरिक संबंधही झाले.
अनेकदा तरूणाने पीडितेसोबत दुष्कर्म केलं आणि प्रत्येकवेळी तिला लग्नाचं आमिष दाखवलं, काही दिवस हे असंच सुरू राहिलं. पण त्यानंतर आरोपी तरूणी तरूणीला सोडून फरार झाला. आपलं घर सोडून आलेली तरूणी चिंतेत फिरत राहिली आणि मग तिने तिच्या परिवाराला संपर्क केला. त्यानंतर तिने दिल्लीच्या मोहन गार्डन पोलीस स्टेशनमध्ये रेपसारखे गंभीर आरोप लावत गुन्हा दाखल केला. दिल्ली पोलिसांची टीम आरोपीचा शोध घेत आहेत. आरोपीने पीडितेला तो व्यवसाय करत असल्याचं सांगत होता. पण नंतर पोलिसांच्या चौकशीतून समोर आलं की, तो एका शोरूममध्ये सेल्समनचं काम करत होता.
