धुळे (प्रतिनिधी) नवापूर-धुळे सुरत राष्ट्रीय महामार्गावर कोंडाईबारी घाटात सुरतकडून धुळ्याकडे जाणाऱ्या स्विफ्ट गाडीला ओव्हरटेक करणाऱ्या ट्रकने धडक दिल्याने कार पुलावरून तीस फूट खोल दरीत कोसळली. या भीषण अपघातात तीन जण जागीच ठार झालेय. तर दोन जण गंभीर जखमी झाले आहेत.
या संदर्भात अधिक असे की, कार पुलावरून तीस फूट खोल दरीत कोसळल्याने कारचा चक्काचूर झाला आहे. या अपघातात गोरख सोनू सरख (वय-४,५ रा.महिर, ता.साक्री), प्रफुल सुरेश वाघमोडे (वय-३५), मनीषा प्रफुल वाघमोडे (वय-२१, दोन्ही रा. राजकोट गुजरात). तर निकिता गोरख सरख (वय-१५) जखमी झाली आहे. कोंडाईबारी घाटातील पुलावरून मागील महिन्यात लक्झरी बस कोसळून पाच जणांना आपला जीव गमवावा लागला होता. राष्ट्रीय महामार्ग प्रशासनाने या पुलाच्या कठड्याची दुरुस्तीकडे लक्ष दिले असते तर अपघात झाला नसता. अपघातातील जखमी आणि मयत धुळे जिल्ह्यातील साक्री तालुक्यातील आहेत. तर विसरवाडी पोलीस आणि ग्रामस्थांनी अपघाताच्या ठिकाणी मदतकार्य करून जखमींना बाहेर काढले असून त्यांना अधिक उपचारासाठी नंदुरबार जिल्हा रुग्णालयात हलविण्यात आले आहे.
