चोपडा (प्रतिनिधी) चोपडा शहर बस स्थानकाजवळ एका व्यक्तीला शिवीगाळ व दांडक्याने मारहाण करुन त्याच्याजवळील ६,३०० रोख रक्कम जबरदस्तीने काढून घेतल्याचा प्रकार समोर आला आहे. याप्रकरणी चोपडा शहर पोलीस ठाण्यात भैय्या पाटील व टकल्या गवळी याच्यासह ३ जणांविरुद्ध गुन्हा दाखल करण्यात आला आहे.
यासंदर्भात अधिक असे की, दि. ३० जानेवारी २०२२ रोजी १०.०० वाजेच्या सुमारास भैय्या पाटील याने हारून शेख कमरोद्दिन शेख (वय ५२ रा. के. जी. एन. कॉलनी, चोपडा) यांची ओमनी क्रमांक-MH-१९४ ०९२९ ही चोपडा बस स्थानकाजवळ आडवुन त्यांना टकल्या गवळी याच्या सोबत इतर ३ अनोळखी इसमांनी शिवीगाळ दमदाटी केली. तसेच टकल्या गवळी याने लाकडी दांडक्याने मारहाण करुन हारून शेख कमरोद्दिन शेख यांचा चष्मा तोडून भैय्या पाटील व टकल्या गवळी याने हारून यांच्या पॅन्टचे खिश्यातील ६,३०० रोख रक्कम जबरीने काढून घेतले. याप्रकरणी हारून शेख कमरोद्दिन शेख यांनी दिलेल्या फिर्यादीवरून चोपडा शहर पोलीस ठाण्यात भैय्या पाटील व टकल्या गवळी याच्यासह ३ जणांविरुद्ध गुन्हा दाखल करण्यात आला आहे. पुढील तपास अवतारसिंग चव्हाण करीत आहेत.
