जळगाव (प्रतिनिधी) शहरातील भाऊंचे उद्यानासमोर पार्कींगला लावलेली दुचाकीच्या डिक्कीतून ८३ हजारांची रोकड चोरून नेल्याची घटना रविवारी १५ सप्टेंबर रोजी रात्री ९ वाजेच्या सुमारास उघडकीला आले. याप्रकरणी रामानंद नगर पोलीस ठाण्यात गुन्हा दाखल करण्यात आला आहे.
इंद्रकुमार प्रेमचंद साहित्या वय ५३ रा. सिंधी कॉलनी, जळगाव हे आपल्या परिवारासह वास्तव्याला आहे. कापड विक्रीचा व्यवसाय ते करून ते आपला उदरनिर्वाह करतात. रविवारी १५ सप्टेंबर रोजी ते जळगाव शहरातील भाऊंचे उद्यानावजवळ दुचाकीने आलेले होते. त्यावेळी त्यांनी दुचाकी उद्यानासमोर पार्कींगला लावलेली होती. दरम्यान अज्ञात चोरट्यांनी दुचाकीच्या डीक्कीत ठेवलेली ८३ हजारांची रोकड चोरून नेली. ही घटना रात्री ९ वाजेच्या सुमारास उघडकीला आले. त्यांनी सर्वत्र शोध घेतला परंतू कोणतीही माहिती मिळाली नाही. अखेर त्यांनी रामानंद नगर पोलीस ठाण्यात धाव घेवून तक्रार दिली. त्यानुसार अज्ञात चोरट्यांविरोधात गुरूवारी १९ सप्टेंबर रोजी मध्यरात्री १२.३० वाजता गुन्हा दाखल करण्यात आला आहे. पुढील तपास पोलीस नाईक हेमंत कळसकर हे करीत आहे.
