अकोला (वृत्तसंस्था) पातुर अकोला मार्गावरील एमएसईबी पावर हाऊसच्या पुलासमोरील डाव्या बाजूस रविवारी सायंकाळी साडेपाच ते पावणे सहा वाजेच्या सुमारास दुचाकीस्वार पती व पत्नीचा अपघात झाला होता. जखमी दाम्पत्याचा उपचारादरम्यान मृत्यू झाला आहे. पुंडलिक सुखदेव निमकंडे (वय ७०) व रत्नाबाई पुंडलिकं निमकंडे (वय ६५ रा. पाटील मंडळी पातूर) असं मयत दाम्पत्याचं नाव आहे.
निमकंडे दाम्पत्य हे हे शेतातून घरी येत असताना दरम्यान समोरून येणाऱ्या एका अज्ञात चारचाकी वाहनाने दुचाकीला जबर धडक दिल्यामुळे दुचाकी वरील दोघेही जण गंभीर जखमी झाले होते. त्यांना १०८ अॅम्बुलन्स च्या साह्याने अकोला येथे हलविण्यात आले होते. मात्र उपचारादरम्यान पुंडलिक निमकंडे व रत्नाबाई निमकंडे या दोघांचाही उपचारा दरम्यान अकोला येथे मृत्यू झाला. या घटनेने संपूर्ण पातूर परिसरात शोक व्यक्त होत आहे. सोमवारी दुपारी त्यांच्या पार्थिवावर अंत्यसंस्कार करण्यात आले. त्यांच्या पश्चात दोन मुले, तीन मुली व दोन भाऊ, बहिणी नातवंड आप्त परिवार आहे. अपघातास कारणीभूत असलेल्या अज्ञात वाहनाचा शोध व पुढील तपास पातूर पोलिस करत आहेत.
