नवी दिल्ली (वृत्तसंस्था) रवांडा येथील बाजेनेमा लिबर्टा नामक महिलेने एक चित्रविचित्र आकाराच्या बाळाला जन्म दिला आहे. डोक्याचा आकार त्रिकोणी असल्यामुळे तो एलियनचा मुलगा असल्याचं म्हटलं जात आहे.
रवांडा येथील बाजेनेमा लिबर्टा नामक महिलेच्या पोटी शरीरात झालेल्या काही जनुकिय बदलांमुळे एक चित्रविचित्र आकाराचं बाळ जन्माला आलं आहे. त्याच्या डोक्याचा आकार त्रिकोणी आहे. बाळाच्या वडिलांनी देखील त्याची जबाबदारी स्विकारण्यास नकार दिला आहे. ‘हे माझं मुल नाहिच… हे कुठल्यातरी एलियनचं मुल आहे,’ असा अजब दावा त्याने केला. परंतु बाळाच्या आईने मात्र त्याचा उपचार करण्याचा निश्चय केला आहे. डेली स्टारनं दिलेल्या वृत्तानुसार ही घटना रवांडा येथील आहे.
डॉक्टर सध्या या मुलाची वैद्यकिय चाचणी करत आहेत. मात्र त्याचा आकार असा का झाला हे त्यांना अद्याप कळलेलं नाही. सिंड्रोम प्रिजोरियामुळे त्याचं डोकं त्रिकोणी झालं असा प्राथमिक अंदाज डॉक्टरांनी लावला. त्याचा उपचार कसा करायचा याबद्दलही डॉक्टरांना काही कल्पना आलेली नाही. बाळाच्या वडिलांनी त्याची जबाबदारी झटकली आहे. उलट त्यांनी या मुलाला मारुन टाकण्याचा प्रयत्न देखील केला.
