जळगाव (प्रतिनिधी) बांधकामाच्या ठिकाणी खेळत असलेल्या बालिकेचा पाण्याच्या टाकीत बुडून मृत्यू झाला. ही घटना रविवारी सायंकाळच्या सुमारास गांधी नगरात घडली. राधिका दीपक पावरा (वय ७), असे मयत बालिकेचे नाव आहे.
शहरातील गांधी नगर भागात एका इमारतीचे बांधकाम सुरू आहे. याठिकाणी राहणारे दीपक पावरा हे वॉचमन म्हणून काम करतात. त्यांना चार मुली असून रविवारी त्यांनी मुलींसोबत जेवण केले. त्यानंतर मुली बाहेर खेळण्यासाठी गेल्या होत्या.
बांधकामाच्या ठिकाणी खेळत असतांना राधिका ही सापडत नसल्याने त्यांनी तिचा शोध सुरू केला.
बराच वेळ होऊनही ती कोठेच न सापडल्याने त्यांनी पाण्याच्या टाकीत पाहिले असता, राधिकाचा पाण्यात बुडून मृत्यू झालेला असल्याचे समोर आले. टाकीतून चिमुकलीला बाहेर काढून त्यांनी खाजगी रुग्णालयात दाखल केले. परंतू डॉक्टरांनी बालिकेला मयत घोषित केले.
