चंद्रपूर (वृत्तसंस्था) प्रेम प्रकरणातून दोघांनी एका अल्पवयीन मुलाची हत्या केल्याची घटना खळबळजनक घटना पडोली पोलिस स्टेशन हद्दीत घडली. छोटा नागपूर रोड पाइपलाइनजवळील पटेल वीटभट्टीच्या मागील बाजूला शुक्रवारी विशाल उर्फ विश्वास अमर पाटील (वय १७ वर्षे) याचा खून करून मृतदेह राखेमध्ये दाबून ठेवण्यात आला होता.
मृत अल्पवयीन मुलगा ज्या मुलीवर प्रेम करत होता. त्याच मुलीवर दोघांपैकी एक आरोपीसुद्धा प्रेम करीत होते. आरोपीने विशालचा काटा काढण्यासाठी समझोता करण्याच्या बहाण्याने छोटा नागपूर परिसरात बोलावले. त्यानंतर त्यांच्यामध्ये भांडण झाले. या भांडणामध्ये आरोपींनी विशालवर धारदार शस्त्रांनी वार शुक्रवारी हत्या केली. त्यानंतर मृतदेहावर परिसरात असलेली राख टाकून आरोपी पळून गेले. त्यानंतर रविवारी परिसरात मृतदेह असल्याची माहिती पोलिसांना मिळाली.
या गुन्ह्याचा तपास लावण्यासाठी विविध पथके तयार करण्यात आली होती. पोलिसांनी गोपनीय माहिती काढून प्रथम मृताची ओळख पटवली. त्यानंतर पोलिसांना आरोपीपर्यंत पोहोचता आले. ही घटना रविवारी उघडकीस आल्यानंतर पोलिसांनी चौकशी करून अवघ्या आठ तासांत दोन आरोपींना अटक केली आहे. तपासात सर्व गोष्टी उघड झाल्यानंतर दोन आरोपींना अटक करण्यात आली. दोन्ही आरोपी अल्पवयीन आहेत. प्रेम प्रकरणातून ही हत्या झाल्याचे समोर आले आहे.
