चाळीसगाव(प्रतिनिधी) शहर पोलीस स्टेशन मधील विविध गुन्हे दाखल असलेला आरोपी हा ६ वर्षापासून फरार आरोपी भगवान भिकन ऊर्फ भिका सोनवणे याला स्थानिक गुन्हे शाखेने १७ रोजी ताब्यात घेतले आहे.
सविस्तर वृत्त असे की, चाळीसगाव शहर पोलीस स्थानकात विविध गुन्हे दाखल असलेला आरोपी भगवान भिकन ऊर्फ भिका सोनवणे हा गेल्या ६ वर्षापासून गुजरात येथे फरार झालेला होता. तो १७ रोजी चाळीसगावात येत असल्याची माहिती स्थानिक गुन्हे शाखेचे पोलीस निरीक्षक कीसन नजनपाटील यांना मिळताच त्यांनी स्थानिक गुन्हे शाखेचे एक पथक त्याच्या मागावर लावलेले असताना तो पिंप्री हाट व कोळगाव बस स्टॅण्डवर आरोपी भगवान भिकन ऊर्फ भिका सोनवणे हा बस मधुन खाली उतरताच त्यास दि. १७ रोजी शिताफिने ताब्यात घेवून त्यास त्याचे नाव गाव विचारता त्याने त्याचे नाव भगवान भिकन ऊर्फ भिका सोववणे वय ३४ मुळ रा. पिंप्री हाट ता. भडगाव ह.मु. महादेव डिंडोली ता. उधणा (गुजरात) असे सांगितले.
सहा. पोलीस निरीक्षक जालिंदर पळे, पोहेकॉ सुनिल पंडीत दामोदरे, पोहेकॉ लक्ष्मण अरुण पाटील, पोना रणजित अशोक जाधव, पोना किशोर ममराज राठोड, पोकों विनोद सुभाष पाटील,चापोका प्रमोद ठाकुर यांच्या पथकाने हि कारवाई केली आहे.
