जळगाव (प्रतिनिधी) जळगाव जिल्हा शल्य चिकित्सक डॉ.नागोजी चव्हाण यांनी covid-१९ अंतर्गत कार्यरत असणारे भुसावल ग्रामीण रुग्णालयाची कॉविड सेवा ३० नोव्हेंबर ला संपुष्टात येत असून फक्त शासकीय वैद्यकीय महाविद्यालय जळगाव, गोदावरी वैद्यकीय महाविद्यालय जळगाव, चोपडा, जामनेर, मुक्ताईनगर, उपजिल्हा रुग्णालय, विमानतळ जळगाव, जिल्हा सामान्य रुग्णालय व जिल्हा वाँर रूम जळगाव फक्त कॉविड सेवा सुरू राहणार आहे असे नमूद केले.
त्यामुळे आता यावल, रावेरसह भुसावळ तालुक्यासाठी आता जळगाव हेच सेन्टर राहील. तेव्हा जिल्हा शल्य चिकित्सक यांनी कोरोनाचे संशयित किंवा संक्रमित रुग्ण परंतू ज्यांना कुठलाही त्रास नाही. ज्यांना घरी विलगीकरण होण्याची सोय नाही अशा रुग्णांसाठी तरी ग्रामीण रुग्णालयात क्वारँटाईन सेन्टर भुसावळ येथे सुरू ठेवावे, अशी मागणी भाजपा वैद्यकीय आघाडीचे डॉ. नि. तु. पाटील यांनी केली होती. याअनुषंगाने काल जळगाव जिल्हा शल्य चिकित्सक डॉ.नागोजी चव्हाण यांनी तसे आदेश काढत भुसावल ग्रामीण रुग्णालयात स्वाब तपासणी आणि कोरोनाचे संशयित किंवा संक्रमित रुग्ण परंतू ज्यांना कुठलाही त्रास नाही. ज्यांना घरी विलगीकरण होण्याची सोय नाही अशा रुग्णांसाठी ग्रामीण रुग्णालयात क्वारँटाईन सेन्टर सुरू ठेवण्याचे कळवले आहे.
भुसावल तालुक्याचे आ.संजय सावकारे यांना हा विषय सांगितल्यावर त्यांनी लगेच जळगाव जिल्ह्याधिकारी यांच्याशी चर्चा करत, किमान स्वाब तपासणी आणि क्वारँटाईन सेंटर सुरू ठेवावं, अशी वैद्यकीय आघाडीच्या मागणीला पाठबळ दिले, आता आगामी काळात कंत्राटी आरोग्य सेवकांच्या पुनः नियुक्ती साठीदेखील पाठपुरावा करू.
