कासोदा ता. एरंडोल (प्रतिनिधी) इलेक्ट्रीक चार्जिंग बाईकची डिलरशिप मिळवून देण्याचे आमिष दाखवत कासोदा येथील वकिलाची तब्बल 10 लाख 80 हजार रुपयात फसवणूक केल्याप्रकरणी कासोदा पोलीस स्थानकात नाशिकच्या पिता-पुत्राविरुद्ध गुन्हा दाखल करण्यात आला आहे.
कासोदा येथील वकील वासुदेव वारे यांना दुचाकी वाहनांचे शोरुम टाकण्यासाठी चार्जिंगच्या वीस इलेक्ट्रीक दुचाकी आणि डिलरशिप मिळवून देण्यासाठी संजय दिनकर जिवरक आणि महेश संजय जिवरक (रा.शिरसगाव ता. निफाड, नाशिक) या पिता पुत्रांनी आमिष दाखवले. तसेच त्यांच्याकडून 10 लाख 80 हजार रुपये घेतले. मात्र आजपावेतो त्यांना गाड्या अथवा डिलरशिप दिली नाही. त्यामुळे दोघा पिता पुत्राने मिळून संगनमताने विश्वासघात करुन आर्थिक फसवणूक केल्याप्रकरणी कासोदा पोलिस स्टेशनला गुन्हा दाखल केला आहे. या गुन्ह्याचा पुढील तपास स.पो.नि. योगिता नारखेडे करत आहेत.
