जामनेर (प्रतिनिधी) तालुक्यातील जांभूळ शिवारात उसनवारीच्या पैशाच्या वादातून एका ४५ वर्षीय व्यक्तीचा खून झाल्याची धक्कादायक घटना घडली आहे. कैलास विठोबा वडाळे (रा.जांभूळ ता. जामनेर), असे मृत व्यक्तीचे नाव आहे. दरम्यान, याप्रकरणी पहूर पोलिसात गुन्हा दाखल करण्यात आला असून संशयित तरुणाला पोलिसांनी ताब्यात घेतले आहे.
या संदर्भात अधिक असे की, दि. १३ मे २०२३ रोजी दुपारी ३ वाजेनंतर (वेळ निश्चित नाही) रमेश मोरे (रा.वडाळी ता. जामनेर) याने कैलास वडाळे यांचा उसनवारीचे पैसे परत मागीतल्याच्या कारणावरुन कशानेतरी घातपात करुन मारुन टाकून खून करुन फेकून दिले, असा संशय असल्याने अविनाश कैलास वडाळे यांच्या फिर्यादवरुन गुन्हा दाखल करण्यात आला आहे. रमेश मोरे याला पोलिसांनी ताब्यात घेतले असून पुढील तपास पोलीस निरीक्षक प्रताप इंगळे हे करीत आहेत.
