जळगाव (प्रतिनिधी) मोबाइलवर व्हिडीओ कॉल करून अश्लील चित्रफित व्हायरल करण्याची धमकी देत ब्लॅकमेल करून जळगावमधील एका ५१ वर्षीय व्यावसायिकाकडून साडेसात लाख रुपये उकळण्यात आल्याची घटना घडली आहे.
या संदर्भात पिडीत व्यक्तीने दिलेल्या तक्रारीत म्हटले आहे की, दि. १६ जून २०२३ ते दि. १९ जून २०२३ च्या दरम्यान, पिडीत व्यक्तीच्या फेसबुकवर अनोळखी फेसबुक खातेधारक Riya Agrawal या महिलाने ओळख निर्माण केली. त्यानंतर पिडीत वृद्धासोबत मॅसेंजरवर चॅटींग व व्हिडीओ कॉल करुन कामोद्दीपक भावना उत्तेजीत करुन पिडीत वृद्धाचा नग्न व्हिडीओ तयार केला.
यानंतर अनोळखी तरुणीने पिडीत व्यक्तीस धमकी देत पैसे दिले नाही तर ते नग्न व्हिडीओ युटयुब व सोशल मिडीयावर व्हायरल करण्याची धमकी दिली. यामुळे भेदरलेल्या पिडीत वृद्धाने AU SMALL FINANCE BANK व गुगल पे मोबाईल क्रमांकावर वेळोवेळी ऑनलाईन एकूण ७ लाख ७७ हजार ७४५ रुपये पाठवले. परंतू तरी देखील त्रास कमी होत नसल्यानेमुळे त्यांनी शेवटी जळगाव सायबर पोलिसात फेसबुक खातेधारक Riya Agrawa विरुद्ध गुन्हा दाखल केला आहे. याप्रकरणी पुढील तपास पो.नि. अशोक उतेकर हे करीत आहेत.
