धरणगाव (प्रतिनिधी) तालुक्यातील बोरगाव खुर्दचे नवनिर्वाचित सरपंच लोकनियुक्त सरपंच दिनकर पाटील आणि उपसरपंच लक्ष्मण पाटील यांचा पालकमंत्री गुलाबराव पाटील साहेब यांच्या शुभहस्ते नुकताच सत्कार करण्यात आला.
धरणगाव तालुक्यामध्ये झालेल्या ग्रामपंचायत निवडणुकीत बोरगाव खुर्द येथे लोकनियुक्त सरपंच दिनकर पाटील आणि उपसरपंच लक्ष्मण पाटील यांची निवड झाली आहे. यावेळी ग्रामपंचायत सदस्य संतोष पाटील, प्रकाश पाटील, सुभाष पाटील, मोहन भिल यांचा सुद्धा सत्कार करण्यात आला. याप्रसंगी ना. गुलाबराव पाटील यांनी सांगितले की, तुमच्या ग्रामपंचायतीला विकास कामांसाठी निधीची कमतरता पडू देणार नाही. तर सर्व सरपंच व सदस्यांनी विकास कामांसाठी आम्ही बाळासाहेब शिवसेनेचे नेते गुलाबरावजी पाटील साहेब यांच्यासोबत आहोत, असे सांगितले. याप्रसंगी बाळासाहेब शिवसेनेचे पी.एम. पाटील सर, भाजपचे राजेंद्र पाटील पालकमंत्र्यांचे पी.एस. गोकुळ नाना पाटील, नवल राजे पाटील हे उपस्थित होते.
