जळगाव (प्रतिनिधी) एका समाजाविषयी आक्षेपार्ह विधान असलेला व्हिडीओ सोशल मीडियावर व्हायरल केल्याप्रकरणी अॅड. केदार भुसारी (रा. बळीराम पेठ) यांच्याविरुद्ध शहर पोलिसात गुन्हा दाखल करण्यात आला आहे.
दूध फेडरेशन परिसरातील भारत नगरात पवन रमेश घुसर यांना व्हॉट्सअपच्या ग्रुपवर ५ ऑगस्ट रोजी जातीवाचक भाषेत तयार केलेला व्हिडीओ दिसून आला होता. यामध्ये समाजाची बदनामी होत असल्याने त्यांनी या व्हिडीओबद्दल संपूर्ण माहिती काढली असता तो व्हिडीओ बळीराम पेठेतील अॅड. केदार भुसारी यांनी तयार केल्याचे फिर्यादीत म्हटले आहे.
समाजाची बदनामीकरणारा व्हिडीओ देवून पवन घुसर यांनी पोलिसात तक्रार दिली. त्यानुसार भुसारी यांच्याविरुद्ध अनुसुचित जाती आणि अनुसुचित जमाती (अत्याचार प्रतिबंधक) अधिनियमाखाली गुन्हा दाखल करण्यात आला आहे. पुढील तपास उपविभागीय पोलिस अधिकारी संदीप गावित हे करीत आहेत. दुसरीकडे समाजाचा जातिवाचक उल्लेख करून व्हिडिओ क्लिप व्हायरल केल्याचा आरोप मेहतर समाजाने जिल्हाधिकान्यांना दिलेल्या निवेदनात करण्यात आला आहे.
तर बळीरामपेठेतील मुख्य चौकाजवळ कचरा व डुकरांच्या त्रासाबाबत व्हिडिओ तयार करून मनपा उपायुक्तांना पाठवलेला आहे. अनेक अर्ज देऊनही कार्यवाही न झाल्याने तो बनवला. शहरात अनेक वाडे असतात. प्रतिबंध त्या वाड्याच्या अनुषंगाने उल्लेख केलेला आहे. भावना दुखावणारे काहीही बोललेलो नसल्याचे भुसारींनी माध्यमांशी बोलतांना सांगितले आहे.