जळगाव (प्रतिनिधी) डोळ्यांचे ऑपरेशन करुन मुलासोबत घरी जात असलेल्या वृद्धाला भरधाव ट्रकने चिरडले. ही घटना शुक्रवारी दुपारी १ वाजेच्या सुमारास गुजराल पेट्रोलपंपासमोरील उड्डाणपुलावर घडली. या अपघातात युसूफ शेख इस्माईल खाटीक (वय ७८, रा. खाटीक गल्ली पारोळा) यांचा मृत्यू झाला तर त्यांचा मुलगा अस्लम शेख यूसुफ खाटीक (वय ४४) हा गंभीर जखमी झाला आहे.
पारोळ्यातील खाटीक गल्लीत यूसुफ शेख इस्माईल खाटीक हे वृद्ध कुटुंबियांसह वास्तव्यास होते. त्यांच्या डोळ्यांचे ऑपरेशन असल्याने ते गेल्या चार दिवसांपासून जिल्हा रुग्णालयात दाखल दाखल होते. त्यांना रुग्णालयातून डिस्चार्ज मिळाल्यानंतर ते मुलगा अस्लम शेख युसूफ खाटीक याच्यासोबत (एमएच १९, ईएफ ७५२४) क्रमांकाच्या दुचाकीने घरी जाण्यासाठी निघाले. राष्ट्रीय महामार्ग क्रमांक सहावर गुजराल पेट्रोलपंपासमोरील उड्डाणपुलावरून ते जात असताना अस्लम शेख हे समोर जात असलेल्या ट्रॅक्टरला ओव्हरटेक करत होते. यावेळी मागून भरधाव वेगाने जात असलेल्याा ट्रकने त्यांच्या वाहनाला धडक दिली. यामध्ये युसूफ शेख यांचा तोल जावून ते खाली पडल्यानंतर ट्रकने त्यांना चिरडले गेल्याने त्यांचा जागीच मृत्यू झाला. तर त्यांचा मुलगा अस्लम खाटीक हे गंभीर जखमी झाले आहे.
शेख युसूफ खाटीक याच्यासोबत (एमएच १९, ईएफ ७५२४) क्रमांकाच्या दुचाकीने घरी जाण्यासाठी निघाले. राष्ट्रीय महामार्ग क्रमांक सहावर गुजराल पेट्रोलपंपासमोरील उड्डाणपुलावरून ते जात असताना अस्लम शेख हे समोर जात असलेल्या ट्रॅक्टरला ओव्हरटेक करत होते. यावेळी मागून भरधाव वेगाने अपघात झाल्याचे लक्षात येताच नागरिकांनी घटनास्थळी धाव घेत मृतदेह कापडाखाली झाकला. त्यानंतर अपघातग्रस्त वाहन बाजूला करीत वाहनांना मार्ग मोकळा करून दिला. या वेळी वडिलांचा मृतदेह पाहून अस्लम शेख हे निःशब्द झाले होते. काही वाहनधारकांनी त्यांना धीर दिला.
घटनेची माहिती मिळताच तालुका पोलीस ठाण्याच्या कर्मचाऱ्यांनी घटनास्थळी धाव घेतली. ट्रकसह चालकाला पोलिसांनी ताब्यात घेतले आहे. त्यानंतर मयताचा मृतदेह व जखमीला तात्काळ जिल्हा वैद्यकीय महाविद्यालय व रुग्णालयात दाखल केले. याठिकाणी वैद्यकीय अधिकाऱ्यांनी तपासणी करत यूसूफ शेख खाटीक यांना मयत घोषीत केले. यूसुफ शेख खाटीक यांच्या डोळ्यांचे ऑपरेशनासाठी त्यांना सोमवारी रुग्णालयात दाखल केले होते. बुधवारी त्यांच्यावर शस्त्रक्रिया करण्यात होती. त्यानंतर आज त्यांना रुग्णालयातून डिस्चार्ज मिळाल्याने ते मुलासोबत घरी जात होते. परंतू वाटेतच त्यांच्यावर दुर्देवी काळाने झडप घातली आणि त्यामध्ये त्यांचा मृत्यू झाला. यावेळी खाटीक यांच्या नातेवाईकांनी जिल्हा रुग्णालयात मोठ्या प्रमाणात गर्दी केली होती.
