जळगाव (प्रतिनिधी) गावाची भूमिका सकारात्मक असेल तर गावाची प्रगती ही अधिक वेगाने होत असते. विकासकामांमध्ये कोणतेही राजकारणन करता गावातील एकोपा हा महत्वाचा आहे. राज्याच्या मंत्री पदाची जबाबदारी असून सुद्धा तळागाळातील जनतेशी असलेली नाळ कधी तुटू दिली नाही असे प्रतिपादन राज्याचे पाणी पुरवठा व स्वच्छता मंत्री तथा जिल्ह्याचे पालकमंत्री ना. गुलाबराव पाटील यांनी केले.
तालुक्यातील फेसर्डी व नंदगाव येथे ७६ लक्ष रूपयांच्या विविध विकासकामांचे भूमिपुजन आणि लोकार्पण कार्यक्रमात ते बोलत होते. यात पाण्याची टाकी, पाईपलाईन, बसस्थानक चौक सुशोभीकरण , ग्रामपंचायत कार्यालय इमारत , आदी कामांचा समावेश होता. तर पुढील महिन्यात पिलखेडा ते फुपणी व पिलखेडा ते धानोरा रस्त्यावरील हातेड नाल्यावर लहान पुलाचे काम सुरु करणार असून नांदगाव येथे विद्युत उपकेंद ( सबस्टेशन ) मंजूर करण्यात येणार असल्याची घोषणा देखील ना. गुलाबराव पाटील यांनी केली. कार्यक्रमाच्या अध्यक्षस्थानी तालुका प्रमुख राजेंद्र चव्हाण हे होते.
याप्रसंगी ना. गुलाबराव पाटील म्हणाले की, आपण आजवर विकासाभिमुख वाटचाल केली आहे. विकास करतांना आपण कोणताही भेदभाव केला नाही. गावाची सकारत्मक भूमिका ही गावच्या विकासासठी तारक असते. फेसर्डी गावासाठी पाईपलाईन चे काम तर नंदगावसाठी पाण्याच्या टाकीसह पूर्ण योजना पूर्ण झाल्यानंतर दोन्ही गावांमधील पाण्याची समस्या कायमची संपुष्टात येणार आहे. फेसर्डी व नांदगावा साठी निधीची कमतरता भासू देणार नसून ग्रामस्थानी व ग्रामपंचायतीने प्रस्ताव सादर करा अश्या सूचनाही दिल्या .
या कामांचे झाले लोकार्पण व भूमिपूजन
राज्याचे पाणी पुरवठा व स्वच्छता मंत्री ना. गुलाबराव पाटील यांच्या हस्ते सावखेडा खुर्द आणि डिक्साई येथील विविध विकासकामांचे भूमिपुजन आणि लोकार्पण करण्यात आले. यात नंदगाव येथील बस स्थानक चौकाच्या कॉक्रीटीकरण लोकार्पण तर जल जीवन मिशन अंतर्गत २३ लक्ष्याच्या पाण्याच्या टाकीचे भूमिपूजन तसेच २० लक्ष निधीतून ग्रामपंचायत कार्यालय इमारतीचे भूमिपूजन त्यानंतर फेसर्डी येथे १७ लक्ष निधी मंजूर असलेल्या गाव अंतर्गत मंजूर करण्यात आलेल्या पाईपलाईनचे देखील भूमिपूजन जिल्ह्याचे पालकमंत्री तथा पाणीपुरवठा व स्वच्छता मंत्री गुलाबराव पाटील यांच्या हस्ते करण्यात आले . नंदगाव व फेसर्डी येथे डीपीडीसी मधून १० – १० लक्षचे स्मशानभूमी सुशोभीकरण , नंदगाव येथे मुलभूत सुविधे अंतर्गत १० लक्ष,पेव्हिंग ब्लॉक व काँक्रिटीकरणासाठी ९ लक्ष निधी मंजूर असून लवकरच कामाला शुभारंभ करण्यात येणार आहे. कार्यक्रमाचे सूत्रसंचालन आयोजक चेतन पवार यांनी केले. प्रास्ताविक माजी सरपंच डॉ. कमलाकर पाटील यांनी केले तर आभार विभाग प्रमुख गजानन सोनवणे यांनी मानले. यावेळी फेसर्डी व नंदगाव येथील ग्रामपंचायत व ग्रामस्थांनी पालकमंत्री गुलाबराव पाटील यांचा शाल, श्रीफळ व गुलाबाचा मोठा हार घालून सत्कार केला .
यांची होती उपस्थिती
याप्रसंगी शिवसेनेचे तालुकाप्रमुख राजेंद्र चव्हाण ,फुपणी माजी सरपंच डॉक्टर कमलाकर पाटील, शेतकी संघाचे माजी चेअरमन शांताराम सोनवणे, पं. स. चे माजी सभापती जनाआप्पा पाटील, विभाग प्रमुख गजानन सोनवणे, कार्यक्रमाचे आयोजक चेतन पाटील , भरत बोरसे , गोपाल जिभाऊ पाटील, कृषी उत्पन्न बाजार समितीचे उपसभापती सुरेश पाटील, योगेश लाठी, उप तालुकाप्रमुख प्रमोद सोनवणे, नंदगाव येथील किशोर पाटील, कृष्णा सोनवणे, ज्ञानेश्वर पाटील, दिलीप धनगर, विश्वनाथ एस. पाटील, जितेंद्र पाटील, पुंडलिक पाटील, साहेबराव पवार, एकनाथ पवार, देविदास पाटील, गोकुळ निकम संदीप पवार, निलेश वाघ , रामचंद्र बापू पाटील , कृ. उ. बाजार समितीचे अनिल भोळे , चंद्रकांत पाटील, समाधान पाटील परिसरातील सरपंच गाढोदा योगेश पाटील, आमोदा विकास सूर्यवंशी, सावखेडा अरविंद सपकाळे , कठोरा डॉ. सत्वशील जाधव , शिवाजी सोनवणे, घार्डी लीलाधर पाटील, पळसोद पंकज पाटील, जामोद समाधान पाटील ,संदीप पाटील, तुरखेडा नितीन सपकाळे, मुरलीधर पाटील , दिलीप जगताप यांच्यासह परिसरातील सरपंच , उपसरपंच ग्रामपंचायत सदस्य नंदगाव – फेसर्डी येथील ग्रामस्थ मोठ्या संख्येने उपस्थित होते.
