चोपडा (प्रतिनिधी) जळगाव येथील ला.ना. विद्यालयाच्या प्रांगणात झालेल्या जिल्हा शालेय नेटबॉल स्पर्धेत वाघळी ता. चाळीसगाव येथील यशवंत पब्लिक स्कूलचा १४ वर्षाखालील मुलींचा संघ विजेता ठरला. तसेच याच शाळेचे तीन संघ विविध वयोगटात उपविजेते ठरले.
विजेत्या संघाची विभागस्तरीय निवड करण्यात आली आहे. यशवंत पब्लिक स्कूल वाघळीच्या मुख्याध्यापिका जयश्री परमानंद सूर्यवंशी यांच्या हस्ते नाणेफेक करून स्पर्धेला सुरुवात करण्यात आली. यावेळी क्रीडा अधिकारी मीनल थोरात, जळगाव जिल्हा हौशी नेटबॉल असोसिएशनचे सचिव प्रमोद पाटील,यशवंत पब्लिक स्कूलचे नेटबॉल प्रशिक्षक योगेश पांडे, ला.ना हायस्कूलचे क्रीडाशिक्षक उल्हास ठाकरे, श्री.जगताप, खुशाल देशमुख, जे.पी.वाघ, विनय काळे, प्रकाश महाजन, ,धना भोळे हे उपस्थित होते.
