जळगाव (प्रतिनिधी) कुसूंबा येथील बैठक हॉल जवळ उभी असलेली दुचाकी मंगळवारी रोजी अज्ञात चोरट्यांनी लंपास केली. याप्रकरणी एमआयडीसी पोलिसात अज्ञात चोरट्याविरुद्ध गुन्हा दाखल करण्यात आला आहे.
याबाबत वृत्त असे की, योगेश यशवंत चौधरी (वय-२४ रा.वराडसिम भुसावळ) याने कुसूंबा (ता. जळगाव) येथील बैठक हॉल जवळ त्याची हिरो डीलक्स मोटारसायकल (एमएच.१९.सीएम.४४७०) मंगळवार (ता.९) रोजी पार्किंग करून लावली होती. दरम्यान, रात्री ११:३० वाजता दुचाकी दिसली नाही. दुचाकीचा परिसरात शोधाशोध केली असता दुचाकी मिळून आली नाही. याप्रकरणी योगेश यशवंत चौधरी यांनी दिलेल्या तक्रारीवरून एमआयडीसी पोलिसात चोरीचा गुन्हा दाखल करण्यात आला आहे. पुढील तपास संतोष सोनवणे करत आहेत.
