धरणगाव (प्रतिनिधी) पतीने दारू पिऊन शिवीगाळ केल्यानंतर रागाच्या भरात पत्नी माहेरी निघून गेली. परंतू नेहमी प्रमाणे पती माहेरी घ्यायला न आल्यामुळे घाबरलेल्या पत्नीने पुन्हा घर गाठले. घरी आल्यावर बघते तर घर बंद आणि पती बेपत्ता झाल्याचे लक्षात येताच भेदरलेल्या पत्नीने धरणगाव पोलीस धाव घेत हरवल्याची तक्रार दिली आहे.
तालुक्यातील चमगाव येथील विवाहिता प्रतीक्षा (नाव बदलेले) ह्या दि. ११ रोजी संध्याकाळी शेतातून घरी आल्यावर पती संजय (नाव बदलेले) हा दारु पिऊन शिविगाळ करून मारहाण करायला लागला. दुसऱ्या दिवशी देखील पती संजयने दिवसभर दारु पिवुन शिविगाळ केली म्हणून पत्नी प्रतीक्षा कंटाळुन मुलांना घेऊन आई-वडिलांकडे माहेरी गुजरात येथे निघून गेली. नेहमी प्रमाणे यावेळी देखील पती संजय हे नेहमी प्रमाणे आपल्याला घेण्यासाठी माहेरी न आल्यामुळे पत्नी प्रतीक्षाच्या मनात शंकेची पाल चुकचुकली.
भिती वाटायला लागल्याने पत्नीने चमगाव गाठले. घरी आल्यावर बघितले तर घर बंद स्थितीत होते. त्यामुळे आजुबाजुला राहणाऱ्या लोकांना विचारल्यावर त्यांनी सांगितले की, तुम्ही गेले त्यादिवसापासुन संजय पण घरातून निघून गेला आहे. घाबरलेल्या पत्नीने सर्व नातेवाईकांना फोन करुन विचारले परंतू संजयचा कुठेही तपास लागला नाही. शेवटी पत्नीने घाबरून धरणगाव पोलिसात हरवल्याची नोंद केली असून पुढील तपास पोहेकॉ राजु कोळी हे करीत आहेत.
